போயி வேற வேலை இருந்தா பாருங்கடா..!
டுவிட்டரில் தெறிக்கவிட்ட விஜய்சேதுபதி!!
நடிகர் விஜய் சேதுபதி மதம் மாறியதாக கூறப்பட்ட வதந்திக்கு நெத்தியடி அடித்தது போல் ஒரு டுவிட்டர் பதிவை போட்டுள்ளார் விஜய்சேதுபதி. நடிகர்கள் பலர் வெவ்வேறு மதம் மாறிவருவதாகவும், பணத்தின் மூலம் தனது நண்பர்களையும் சேர்த்து மதம் மாற்றி வருவதாகவும் விஜய் உள்ளிட்ட பலர் மீது விமர்சனம் எழுந்தது.
நடிகர் விஜய், ரமேஷ் கண்ணா, விஜய்சேதுபதி மற்றும் சில நடிகைகள் கிறித்தவ மதம் மாறியதாக சமூக வலைதளத்தில் வதந்தி மிக வேகமாக பரவியது. இந்த வதந்திகளை யார் பரப்புகிறார்கள் என்பதை நடிகர்கள் நிச்சயம் அறிந்திருக்க வாய்ப்புண்டு. இருப்பினும் தவறான தகவலை பரப்பும் நபர்களின் பெயரை எதுவும் குறிப்பிடாமல் “போயி வேற வேலை இருந்தா பாருங்கடா” என்று செவிட்டில் அறைந்தாற்போல் நடிகர் விஜய்சேதுபதி டுவிட்டரில் பதிவிட்டுள்ளது இணையத்தில் வைரலாகி வருகிறது.
கிறித்தவ மதத்தை பரப்பி பல கோடி ரூபாய் வருமானம் ஈட்டியதாகவும், சரியான வருமானவரி கட்டாமல் போனதாலும் நடிகர் விஜய் வீட்டில் வருமான வரித்துறையினர் சோதனை நடத்தினர். இந்த சம்பவம் விஜய் ரசிகர்களிடையே கொந்தளிப்பை ஏற்படுத்தியது, இதனையடுத்து நடிகர் விஜய் தனது பலத்தை காட்ட வேன் மற்றும் பேருந்து மீது ஏறி செல்பி எடுப்பது போன்ற வீடியோக்கள் பரப்பாக இணையத்தில் வைரலாக பரவியது.
மதமாற்றம் செய்வதாக நடிகர்களை மட்டும் குறிவைத்து பொய்யான தகவலை பரப்பியவர்களுக்கு எதிராகவும், அதே சமயம் விஜய்சேதுபதிக்கு ஆதரவாகவும் அவரது பதிவில் கருத்து பதியப்பட்டு வருகிறது. பலர் விஜய்சேதுபதியின் கருத்தை ஆதரித்தாலும் சிலர் எதிர்ப்பினை காட்டி வருகின்றனர். நடிகர் விஜயும், விஜய்சேதுபதியும் மாஸ்டர் படத்தில் ஒன்றாக நடித்து வருகின்றனர். இந்து மக்கள் கட்சியின் தலைவர் அர்ஜூன் சம்பத் தஞ்சை பேட்டியில் நடிகர் விஜய் கிறித்தவ மதத்தை பரப்புவதாக குற்றச்சாட்டு வைத்தது குறிப்பிடத்தக்கது.
