‘எப்படி லீக் ஆகுதுன்னே தெரியலயே…’ வாரிசு இயக்குனர் போட்ட கண்டீஷன்!
இயக்குனர் வம்சி இயக்கி வரும் வாரிசு படத்தின் ஷூட்டிங் தற்போது நடந்து வருகிறது.
விஜய்யின் 66 ஆவது படமான ‘வாரிசு’ படத்தை இயக்குனர் வம்சி இயக்கி வருகிறார். இந்த படத்தை தெலுங்கின் பிரபல தயாரிப்பாளர் தில்ராஜு தயாரிக்கிறார். கதாநாயகியாக ராஷ்மிகா மந்தனா நடிக்கிறார். படத்தில் விஜய்யோடு சரத்குமார், பிரபு, பிரகாஷ் ராஜ் உள்ளிட்ட பலர் நடிக்கின்றனர். தமன் இசையமைக்கிறார். இந்த படத்தின் விறுவிறுப்பாக நடந்து வருகிறது. படம் அடுத்த ஆண்டு ஜனவரி மாதம் ரிலீஸ் ஆக உள்ளது.
இந்நிலையில் கடந்த சில நாட்களாக ‘வாரிசு’ படத்தின் ஷூட்டிங் செட்டில் இருந்து சில வீடியோக்கள் மற்றும் புகைப்படங்கள் கசிந்து வருகின்றன. படப்பிடிப்புத் தளத்தில் இருந்து வெளியாகும் வீடியோக்களால் இயக்குனரும், தயாரிப்பாளரும் அதிர்ச்சியடைந்துள்ளனர். இதையடுத்து இதுபோல மீண்டும் தவறுகள் நடக்காமல் இருப்பதற்காக இயக்குனர் வம்சி புதிய உத்தரவு ஒன்றை படப்பிடிப்புக் குழுவினருக்கு இட்டுள்ளாராம்.
அதன் படி இனிமேல் படப்பிடிப்பு தளத்துக்குள் எந்தவொரு தொழில்நுட்பக் கலைஞரும், நடிகர் நடிகைகளும் தங்கள் செல்போனைக் கொண்டு வரக் கூடாது என உத்தரவு பிறப்பித்துள்ளாராம். இந்த உத்தரவு நடிகர் விஜய்க்கும் சேர்த்துதான் என சொல்லப்படுகிறது.
விறுவிறுப்பாக நடந்து வரும் ’வாரிசு’ படப்பிடிப்பை வம்சி நடத்தி வரும் நிலையில் அக்டோபர் மாதத்தில் மொத்த படப்பிடிப்பும் நிறைவு பெறும் என சொல்லப்படுகிறது. இதையடுத்து ஒரு குறுகிய பிரேக் எடுத்துக் கொண்டு விஜய் உடனடியாக லோகேஷ் படத்தில் கவனம் செலுத்த உள்ளதாக சொல்லப்படுகிறது.
