எங்கு சென்றால் எல்லாம் கிடைக்கும் என்றால் அது கூகுள் தான். கூகுள் தான் இன்றைய இளைஞர்களின் நண்பன். எல்லாவற்றையும் கூகுளை தேடும் நபர்கள் ஏராளம். இவர்களின் கேள்விகளுக்கு விடைகளை கூகுள் நிறுவனம் தொடர்ந்து அப்பேட் செய்து வருகிறது.
இணையம் பயன் படுத்தும் அனைத்து மக்களின் விவரங்கள் கூகுள் வசம் தான் இருக்கிறது. மக்களின் தேடல்கள் அவற்றின் பதில்கள், விருப்பங்கள், தேவைகள் என்ன என்பதை கூகுள் நன்கு அறிந்துவைத்திருக்கிறது. அதற்கு ஒரு உதாரணம் உங்கள் கணினியில் வரும் விளம்பரங்கள். இணையத்தில் நீங்கள் எதைத் தேடுகிறீர்களோ அது தொடர்பாக விளம்பரங்கள்தான் உங்கள் கணினியில் வரும். இப்படி ஒரு சம்பவம் கூகிளில் நடந்தது அதை பற்றி காண்போம்.
கூகிளில் எழுத்துக்களை டைப் செய்து தேடுவது மாறி நாம் பேசியும் தேடலாம் என்ற நிலையில் கூகுள் அமைத்துள்ளது. இந்த வாய்ஸ் அசிஸ்டென்டைப் பயன்படுத்தி ஒருவர் செய்த சேட்டைதான் தற்போது இணையத்தை பரவி வருகிறது.
அந்த வீடியோவில் இருக்கும் நபர் ஒருவர். தனது தட்டில் இருக்கும் முட்டைகளை காண்பித்து ஹேய் கூகுள்.. நான் முட்டையை உடைத்தேன் அந்த முட்டையில் இரண்டு மஞ்சள் கரு இருக்கிறது இதற்கு என்ன அர்த்தம் எனக் கேட்கிறார். அதற்கு கூகுள் ” உங்கள் மனைவி கர்ப்பமாக இருக்கிறார். உங்களுக்கு இரட்டை குழந்தைகள் பிறக்கப்போகிறது” என்றது.
அதற்கு அவர் ஹாய் கூகுள், எனக்கு இன்னும் கல்யாணமே ஆகல என நக்கலாக பதிலளித்தார். அதற்கு கூகுள் உங்கள் வீட்டில் ஒருவர் இறக்கப்போகிறார் என்று அர்த்தம் என்றது. அந்த நபர் உடனே பதட்டமாகிவிட்டர். இந்த உரையாடல் அனைத்தும் அந்த வீடியோவில் பதிவாகியுள்ளது.
இந்த வீடியோ தற்போது இணையத்தில் வைரலாகி வருகிறது. இந்த வீடியோவிற்கு கீழே கலாய்த்து நெட்டிசங்கள் வந்த வண்ணம் உள்ளது. அந்த வீடியோ பதிவிட்ட நபர் தனது ட்வீட்டில், ” நான் ஒரு முட்டையை உடைத்தேன், அதில் இரட்டை மஞ்சள் கரு இருந்ததால் ஆச்சர்யமாக இருந்தேன். நான் உற்சாகமாக ஒரு வீடியோ பதிவு செய்தேன். கூகுளிடம் இதற்கு என்ன அர்த்தம் என்று கேட்டேன். அமைதியாக நான் எனது பணியைப் பார்த்து இருக்கலாம்” எனப் பதிவிட்டுள்ளார்.
மேலும் இது போன்ற தமிழ் செய்திகள்,மாவட்ட செய்திகள், மாநில செய்திகள், தேசிய செய்திகள், உலக செய்திகள், விளையாட்டு செய்திகள், அரசியல் செய்திகள், வணிக செய்திகள்,தொழில்நுட்ப செய்திகள்,பொழுதுபோக்கு செய்திகள்,சினிமா செய்திகள், ஆன்மீக செய்திகள், ஜோதிட செய்திகள் போன்ற நடுநிலையான செய்திகளை உடனுக்குடன் உண்மைத் தன்மையுடன் தெரிந்து கொள்ள நமது News4 Tamil இணையதளத்தையும் முகநூல் பக்கம் மற்றும் ட்விட்டர் பக்கங்களை பின் தொடருங்கள்.
