சிவகார்த்திகேயனின் ‘டாக்டர்’ படம் குறித்த முக்கிய தகவல்
சிவகார்த்திகேயன் நடிப்பில் பாண்டியராஜ் இயக்கத்தில் சமீபத்தில் வெளியான ’நம்ம வீடு பிள்ளை’ படம் ரசிகர்கள் மத்தியில் நல்ல வரவேற்பை பெற்ற நிலையில் அவர் தற்போது பி.ஸ்.மித்ரன் இயக்கத்தில் உருவான ‘ஹீரோ’ என்ற படத்தில் நடித்து முடித்துள்ளார். இந்த படம் வரும் 20 ஆம் தேதி வெளியாகவுள்ளது
இந்த நிலையில் சிவகார்த்திகேயன் நடிக்கும் அடுத்த படமான ’டாக்டர்’ என்ற படத்தை நெல்சன் இயக்க உள்ளார் என்பதையும் இந்த படத்தின் படப்பிடிப்பு டிசம்பர் 6ஆம் தேதி தொடங்கவுள்ளது என்பதையும் ஏற்கனவே பார்த்தோம்
இதன்படி சற்றுமுன் இந்த படத்தின் பூஜை சென்னையில் நடைபெற்றது. இந்த பூஜையில் சிவகார்த்திகேயன், இயக்குனர் நெல்சன், வில்லனாக நடிக்கவுள்ள வினய் உள்பட பலர் கலந்து கொண்டனர். இந்த படத்தில் நாயகியாக நடிக்கும் ப்ரியங்கா மோகனன் மற்றும் காமெடி வேடத்தில் யோகிபாபு ஆகியோர்களும் இன்றைய பூஜையில் கலந்து கொண்டனர்.
இந்த படம் அடுத்த ஆண்டு வெளியாகும் என எதிர்பார்க்கப்படும் நிலையில் இந்த படத்தின் பாடல்கள் கம்போஸ் செய்யும் பணியை இசையமைப்பாளர் அனிருத் ஆரம்பித்துவிட்டதாக தகவல்கள் வெளிவந்துள்ளது.
சிவகார்த்திகேயனின் எஸ்கே புரடொக்சன்ஸ் மற்றும் ஜே.ராஜேஷ் அவர்களின் கேஜேஆர் ஸ்டுடியோ நிறுவனங்கள் ஆகியோர் இணைந்து இந்த படத்தை தயாரிக்கின்றனர்.
