விஜய் அஜித் பாதைக்கு மாறும் சந்தானம்: புதிய வெற்றி கிடைக்குமா?

0
82

அஜித், விஜய், சூர்யா போன்ற நடிகர்கள் கடந்த சில ஆண்டுகளாக ஆக்சன் படங்களில் மட்டுமே நடித்து வருகின்றனர். இந்த நிலையில் இதுவரை ஹீரோவாக நடித்தாலும் காமெடி கதையை மட்டுமே தேர்வு செய்து நடித்து வந்த சந்தானம் முதல் முறையாக ஒரு ஆக்சன் படத்தில் நடிக்க உள்ளார்.

இயக்குனர் ஜான்சன் என்பவர் இயக்கும் அடுத்த படத்தில் நடிக்க ஒப்பந்தமாகியிருக்கும் சந்தானம் இந்த படத்தில் ஒரு ஆக்சன் ஹீரோவாக அவதாரம் எடுப்பதாகவும் இது ஒரு வடசென்னையை மையமாக வைத்து கேங்ஸ்டர் படம் என்றும் கூறப்படுகிறது.

இயக்குனர் ஜான்சன் ஏற்கனவே சந்தானம் நடித்த ‘ஏ1’ என்ற வெற்றிப்படத்தை இயக்கியவர் என்பது குறிப்பிடத்தக்கது. இரண்டு கேங்ஸ்டர்கள் வடசென்னையில் மோதும் கதையம்சம் கொண்ட இந்த படத்தில் சந்தானம் ஒரு பிரிவு கேங்ஸ்டர் லீடராக நடிக்க இருப்பதாக கூறப்படுகிறது.

இதற்காக அவர் சண்டை பயிற்சியில் தற்போது ஈடுபட்டு வருவதாகவும் ஆக்சன் காட்சிகளில் டூப் இல்லாமல் நடிக்க அவர் முடிவு செய்திருப்பதாக கூறப்படுகிறது. சந்தானத்தின் இந்த முயற்சி வெற்றி பெறுமா? என்பதை பொறுத்திருந்து பார்ப்போம்.

author avatar
CineDesk