சூப்பர் ஹிட் படத்தின் ரீமேக்கில் நடிக்கும் சந்தானம்
இந்த ஆண்டு நடிகர் சந்தானம் ஹீரோவாக நடித்த ‘தில்லுக்கு துட்டு’ மற்றும் ஏ1’ ஆகிய இரண்டு படங்களும் வெற்றி பெற்றதை அடுத்து அவருடைய படங்கள் வரிசையாக ரிலீசுக்கு தயாராகி வருகின்றன
ஏற்கனவே டகால்டி, சர்வர் சுந்தரம், ஓடி ஓடி உழைக்கணும் ஆகிய படங்களில் நடித்து முடித்துவிட்ட நடிகர் சந்தானம் தற்போது கார்த்திக் யோகி இயக்கி வரும் ஒரு படத்தில் மூன்று வேடங்களிலும் நடித்து வருகிறார். அதேபோல் பிரபல இயக்குனர் கண்ணன் இயக்கி வரும் டைட்டில் வைக்கப்படாத ஒரு படத்தில் சந்தானம் நடித்து வருகிறார். இந்த இரண்டு படங்களின் படப்பிடிப்புகளும் விறுவிறுப்பாக நடைபெற்று வருவதால் இந்த ஆண்டுக்குள் இந்த இரண்டு படங்களும் ரிலீஸுக்கு தயாராகி வரும் என்று எதிர்பார்க்கப்படுகிறது
இந்த நிலையில் தெலுங்கில் சூப்பர் ஹிட் வெற்றி பெற்ற ‘ஏஜண்ட் சாய் ஸ்ரீனிவாஸ் ஆதரய்யா’ என்ற படத்தின் தமிழ் ரீமேக்கில் சந்தானம் நடிக்கவிருப்பதாகவும், காமெடி கலந்த சஸ்பென்ஸ் த்ரில் படமான இந்த படம் சந்தானத்திற்கு பொருத்தமாக இருக்கும் என்றும் கூறப்படுகிறது. இந்த படம் குறித்த அதிகாரபூர்வ அறிவிப்பு விரைவில் வெளியாகவுள்ளது.
