யார் அழகு? பிரபல நடிகையுடன் போட்டியிட பத்திரிக்கையாளர் பனிமலர் வெளியிட்ட கவர்ச்சி புகைப்படம்
பிரபல தனியார் தொலைக்காட்சியில் செய்தி வாசிப்பாளராக அறிமுகமாகி பின்னர் பல்வேறு சேனல்களில் பணியாற்றிய பனிமலர் தற்போது அரசியல் கட்சி ஒன்றின் ஆதரவு பெற்ற தொலைக்காட்சியில் முக்கிய பொறுப்பு வகித்து வருகிறார்.
கோயம்பத்தூர் பகுதியை சேர்ந்தவரான பனிமலர் திருமணமாகி கணவருடன் ஏற்பட்ட பிரச்சனையால் விவாகரத்து வாங்கி தனியாக வசித்து வருகிறார். பெரியார்வாதியான இவர் சமீபத்தில் ஒரு முறை பெரியார் இருந்திருந்தால் அவரையே திருமணம் செய்திருப்பேன் என கருத்து தெரிவித்து சர்ச்சையை கிளப்பினார் என்பதும் குறிப்பிடத்தக்கது.
இதனையடுத்து அவ்வப்போது சமூக வலைதளங்களில் சாதி மறுப்பு மற்றும் மதச்சார்பின்மை என்ற பெயரில் இவர் பதிவிடும் கருத்துக்கள் தொடர்ந்து ஒரு சாராரையே விமர்சனம் செய்து வருவதால் அந்த தரப்பினர் இவருடைய கருத்துக்கு எதிராக விமர்சனம் செய்து பதிவிடுவதும் தொடர்கதையாக நடந்து வருகிறது.
இந்நிலையில் பனிமலர் அவ்வப்போது சினிமா பிரபலம் போல ஏதாவது ஃபோட்டோ ஷூட் நடத்தி அதன் புகைப்படங்களை சமூக வலைதளங்களில் பதிவேற்றி வருவதும் நடந்து வருகிறது. அந்த வகையில் அவர் சில புகைப்படங்களை பதிவிட்டிருந்தார்.
சமீபத்தில் அவ்வாறு அவர் பதிவேற்றிய ஒரு புகைப்படத்தை அவரது பின் தொடர்பாளர் ஒருவர் தமிழ் சினிமாவில் பிரபல நடிகையாக வலம் வரும் கீர்த்தி சுரேஷுடன் ஒப்பிட்டு பதிவிட்டுள்ளார். அதை பனிமலரும் தன்னுடைய சமூக வலைதளமான டிவிட்டர் பக்கத்தில் பகிர்ந்துள்ளார்.
ஏற்கனவே இவர் கடற்கரையில் சேலையில் உள்ளவாறு ஒரு கவர்ச்சி புகைப்படத்தை சமீபத்தில் வெளியிட்டார் என்பது குறிப்பிடத்தக்கது.வழக்கம் போலவே இந்த படத்திற்கும் ஆதரவு மற்றும் விமர்சன கருத்துக்கள் வந்த வண்ணமே உள்ளன.
