எதையும் நல்லா செய்யனும் அது தான் என் பாலிஸி! நித்யா மேனன் ஓப்பன் டாக்
பொதுவாக ஒரு பிரபலம் மறையும்போது அவரது பெயரில் பயோபிக் எடுக்கப்போவதாக பல அறிவிப்புகள் வருவது இயல்பு. அப்படித்தான் மறைந்த முன்னாள் தமிழக முதல்வர் ஜெயலலிதாவின் வாழ்க்கை வரலாறை இரண்டு மூன்று இயக்குநர்கள் ஒரே நேரத்தில் திரைப்படமாக்குகின்றனர்.
ஏ.எல்.விஜய் ‘தலைவி’ என்ற பெயரில் தனது படத்தை ஆரம்பித்துவிட்டார். இயக்குநர் கவுதம் மேனனும் ஜெயலலிதா பற்றிய வெப் சீரிஸ் தயாரித்து வருவதாக செய்திகள் வந்துள்ளன. ஆனால் அது எந்த ஆண்டு வெளியாகும் என்பது ஆண்டவனுக்குத்தான் வெளிச்சம்.
இந்நிலையில் இயக்குநர் மிஷ்கினிடம் உதவி இயக்குநராக இருந்த பிரியதர்ஷினியும் ஜெயலலிதா வாழ்க்கை வரலாற்றை ‘தி அயர்ன் லேடி’ என்ற தலைப்பில் படமாக எடுக்கிறார். இதில் ‘ஓ காதல் கண்மணி’, ‘மெர்சல்’ உள்ளிட்ட படங்களில் நடித்த நித்யா மேனன் ஜெயலலிதா கதாபாத்திரத்தில் நடிக்கிறார். ஆனால் அறிவிப்பு வந்த பல மாதங்கள் ஆகியும் படப்பிடிப்பு இன்னும் துவங்கவில்லை. இத்தனைக்கும் மற்றவர்களைக் காட்டிலும் வேகமாக ஃபர்ஸ்ட் லுக்கை வெளியிட்டது இந்தப் படக்குழுதான்.
இந்நிலையில் சமீபத்தில் இதுகுறித்து நித்யா மேனனிடம் கேட்கபட்டபோது, “படக்குழு நிறைய முயற்சிகள் செய்து வருகிறது. இந்தப் பெயரை மட்டுமே வைத்து லாபம் பார்ப்பதை இயக்குநர் பிரியதர்ஷினி விரும்பவில்லை. செய்வதை நியாயமாக செய்ய விரும்புகிறோம். அதனால் உடனடியாக ஆரம்பிக்க வேண்டும் என்று எதிலும் சமரசம் செய்ய விரும்பவில்லை. முன் தயாரிப்பு வேலைகள் இன்னமும் நடந்து கொண்டிருக்கிறது.
அதனாலேயே படப்பிடிப்பைத் தொடங்குவதில் தாமதம் ஏற்படுகிறது. விரைவில் படப்பிடிப்பைத் தொடங்குவோம்” என்று கூறியுள்ளார்.
தற்போது நித்யா மேனன் மிஷ்கின் இயக்கத்தில் ‘சைக்கோ’ படத்தில் நடித்து வருகிறார். இந்தியில் இவரது முதல் படமான ‘மிஷன் மங்கள்’, ஆகஸ்ட் 15 அன்று வெளியாகவுள்ளது.
எது எப்படியோ பார்த்து செய்யுங்க, புரட்சித்தலைவி பேரைக் கெடுத்துடாதீங்க மேடம்..
மேலும் இது போன்ற தமிழ் செய்திகள்,மாவட்ட செய்திகள், மாநில செய்திகள், தேசிய செய்திகள், உலக செய்திகள், விளையாட்டு செய்திகள், அரசியல் செய்திகள், வணிக செய்திகள்,தொழில்நுட்ப செய்திகள்,பொழுதுபோக்கு செய்திகள்,சினிமா செய்திகள், ஆன்மீக செய்திகள், ஜோதிட செய்திகள் போன்ற நடுநிலையான செய்திகளை உடனுக்குடன் உண்மைத் தன்மையுடன் தெரிந்து கொள்ள நமது News4 Tamil இணையதளத்தையும் முகநூல் பக்கம் மற்றும் ட்விட்டர் பக்கங்களை பின் தொடருங்கள்.
