எல்லாரையும் தூக்கி சாப்பிட்ட நித்யா மேனன்… திருச்சிற்றம்பலம் பார்த்த ரசிகர்கள் கருத்து

0
56

எல்லாரையும் தூக்கி சாப்பிட்ட நித்யா மேனன்… திருச்சிற்றம்பலம் பார்த்த ரசிகர்கள் கருத்து

திருச்சிற்றம்பலம் திரைப்படம் நேற்று ரிலீஸான நிலையில் படம் பார்த்த ரசிகர்கள் நேர்மறையான விமர்சனங்களை தெரிவித்து வருகின்றனர்.

தனுஷ் உள்ளிட்ட பலரின் நடிப்பில் நேற்று வெளியான திருச்சிற்றம்பலம் திரைப்படம் ரசிகர்கள் மத்தியில் நல்ல வரவேற்பைப் பெற்று வருகிறது. நீண்ட நாட்களுக்கு பிறகு தனுஷுக்கு ஒரு ஹிட் படமாக அமையும் என்று இப்போதே சொல்லப்பட்டு வருகிறது.

இந்நிலையில் படத்தில் நடித்துள்ள மூன்று கதாநாயகிகளில் நித்யா மேனன் ரசிகர்களை வெகுவாகக் கவர்ந்துள்ளார். தனுஷ் உள்ளிட்ட அனைவரையும் தூக்கி சாப்பிட்டு படத்தை தாங்கிப் பிடிப்பதே அவர்தான் என்றும், அவருக்காக மீண்டும் படம் பார்ப்போம் என்றும் படம் பார்த்த ரசிகர்கள் சமூகவலைதளங்களில் தெரிவித்து வருகின்றனர். படத்தில் நித்யா மேனன் தனுஷின் தோழியாக நடித்துள்ளார்.

தாத்தா, தந்தை & மகன் ஆகியோருக்கு இடையிலான பாசப் பிரச்சனைகளை மையமாகக் கொண்டு இந்த திரைப்படம் உருவாகியுள்ளது. படத்தில் தனுஷின் தந்தையாக பிரகாஷ் ராஜ் நடித்துள்ளார். இருவருக்கும் இடையே நடக்கும் மோதல் மற்றும் பாசப் போராட்டமே கதைக்களமாக இருக்கும் என தெரிகிறது.

இதற்கிடையே தனுஷுக்கு ஏற்படும் காதல் தோல்விகள், அதில் இருந்து அவர் எப்படி மீள்கிறார், அவருக்கு துணையாக நித்யா மேனன் மற்றும் பாரதிராஜா ஆகியோர் உள்ளனர் என்பதை பீல்குட் தன்மையோடு சொல்லியுள்ளார் இயக்குனர். படத்தின் அனிருத்தின் பாடல்கள் மற்றும் பின்னணி இசை ஆகியவை பெரிய அளவில் ரசிகர்களைக் கவர்ந்துள்ளது.