ரிலிஸுக்கு முன்பே 200 கோடி வியாபாரம் – கோலிவுட்டை வியக்க வைத்த மாஸ்டர் !

0
63

ரிலிஸுக்கு முன்பே 200 கோடி வியாபாரம் – கோலிவுட்டை வியக்க வைத்த மாஸ்டர் !

விஜய் நடித்துள்ள மாஸ்டர் திரைப்படம் ரிலிஸுக்கு முன்னதாகவே 200 கோடி ரூபாய் வியாபாரம் செய்து சாதனை படைத்துள்ளது.

விஜய் தற்போது லோகேஷ் கனகராஜ் இயக்கும் மாஸ்டர் திரைப்படத்தில் நடித்து வருகிறார். இந்த படத்தின் மீது மிகப்பெரிய எதிர்பார்ப்பு உள்ளது. காரணம் விஜய்யின் சமீபத்திய வெற்றிகள் அவரை கோலிவுட்டின் சூப்பர் ஸ்டாராக மாற்றியுள்ளன. அதேபோல இயக்குனர் லோகேஷ் கனகராஜும் கைதி படத்தின் மூலம் நம்பிக்கை இயக்குனராக உருவெடுத்துள்ளார்.

மாஸ்டர் திரைப்படத்தில் விஜயுடன் விஜய் சேதுபதி, மாளவிகா மோகனன், ஆண்டனி வழியே மற்றும் சாந்தனு பாக்யராஜ் உள்ளிட்ட பல முன்னணி நடிகர்கள் நடித்து வருகின்றனர். இதன் முதல் லுக் போஸ்டர் புத்தாண்டின் போது வெளியாகி ரசிகர்களின் ஆதரவைப் பெற்றது. அதே சமயம் அது ஹாலிவுட் படம் ஒன்றின் போஸ்டரின் காப்பி எனவும் கேலி செய்யப்பட்டது.

தற்போது கர்நாடகாவில் மாஸ்டர்  படப்பிடிப்பு விறுவிறுப்பாக நடைபெற்று வருகிறது. இந்நிலையில் பொங்கல் பண்டிகையை முன்னிட்டு விஜய் ரசிகர்களுக்கு மகிழ்ச்சி அளிக்கும் விதமாக செகண்ட் லுக் போஸ்டர் பொங்கல் பண்டிகையன்று மாலை 5 மணிக்கு ’மாஸ்டர்’ படத்தின் செகண்ட் லுக் போஸ்டர் வெளியானது. அதுவும் ரசிகர்களிடையே மிகப்பெரிய வரவேற்பைப் பெற்றுள்ளது.

கோடை விடுமுறைக்கு வெளியாகும் இந்த படத்தின் மீது மிகப்பெரிய எதிர்பார்ப்பு உள்ளதால் விநியோகஸ்தர்கள் மத்தியில் மிகப்பெரிய தொகைக்கு விற்பனை செய்யப்பட்டு வருகிறது. இந்நிலையில் இன்னும் ஷூட்டிங்கே முடியாத நிலையில் இதுவரை 200 கோடி ரூபாய்க்கு விற்பனை செய்யப்பட்டுள்ளதாக தயாரிப்பு நிறுவனமே அறிவித்துள்ளது. இத்தகைய இமாலய வியாபாரத்தைப் பார்த்து கோலிவுட்டே மூக்கில் விரல் வைத்துள்ளது.

author avatar
Parthipan K