மீண்டும் ரஜினி-கமல் கலந்து கொள்ளும் விழா: தமிழக அரசியல்வாதிகள் அதிர்ச்சி!
ரஜினிகாந்த் மற்றும் கமல்ஹாசன் ஆகிய இருவரும் அரசியல்ரீதியாக இணைந்து வரும் சட்டமன்ற தேர்தலை சந்திக்கவிருப்பதாக கூறப்படும் நிலையில் சமீபத்தில் நடந்த ‘கமல்ஹாசன் 60’ விழாவில் இருவரும் கலந்து கொண்டு பெரும் பரபரப்பை ஏற்படுத்தினர். இந்த விழாவில் ரஜினிகாந்த் பேசிய விஷயங்கள் இன்னும் சமூக வலைத்தளங்களில் டிரெண்டில் உள்ளது
இதனையடுத்து இருவரும் அடிக்கடி பொதுவிழாவில் கலந்து கொள்ள முடிவு செய்துள்ளதாக கூறப்படுகிறது. இதனை உறுதி செய்வதை போல் வரும் டிசம்பர் 7ஆம் தேதி நடைபெறும் ‘தர்பார்’ படத்தின் இசை வெளியீட்டு விழாவில் கமல்ஹாசன் கலந்து கொள்ள போவதாகவும், இந்த மேடையிலும் அரசியல் பேச்சுக்கள் அனல் பறக்கும் என்றும் எதிர்பார்க்கப்படுகிறது. இதனால் கமல், ரஜினி சேரக்கூடாது என்று நினைத்து கொண்டிருக்கும் தமிழக அரசியல்வாதிகளுக்கு இந்த செய்தி அதிர்ச்சியை ஏற்படுத்தியுள்ளது.
கமல்ஹாசன் தற்போது அறுவை சிகிச்சைக்காக மருத்துவமனையில் அனுமதிக்கப்பட்டிருந்தாலும் இந்த விழாவில் கலந்து கொள்ளும் முன் அவர் குணமாகிவிடுவார் என்று எதிர்பார்க்கப்படுகிறது
மேலும் டிசம்பர் 7ஆம் தேதி ‘தர்பார்’ இசை விழாவை நடத்த முடிவு செய்திருப்பினும் அதற்கு முன்னரே இந்த படத்தின் இரண்டு சிங்கிள் பாடலை ரிலீஸ் செய்ய படகுழுவினர் முடிவு செய்துள்ளனர் என்பதும், அனிருத் இசையமைத்த இந்த பாடல்கள் பெரும் எதிர்பார்ப்பை ஏற்படுத்தியுள்ளது என்பதும் குறிப்பிடத்தக்கது
