Dhanteras – தந்தேரஸ் தினம் 2022 : தன்வந்திரி பூஜை! புதியதாக தங்கம் வாங்க நல்ல நேரம்
வடமொழியில் “தன்” என்றால் செல்வம் என்றும், “தேரஸ்” என்றால் பெளர்ணமிக்கு பிறகு வரும் 13 வது நாள் என்றும் பொருள். இந்த ஆண்டு அக்டோபர் 22 மற்றும் 23 ஆகிய இரு நாட்களும் தந்தேரஸ் பூஜை செய்யலாம். அக்டோபர் 22 ஆம் தேதி துவங்கி, அக்டோபர் 23 ஆம் தேதி மாலை 4.45 மணி வரை இந்த தந்தேரஸ் தினத்தை கொண்டாடலாம். அக்டோபர் 22 ஆம் தேதி மாலை 7.01 மணி முதல் 8.11 மணி வரை தந்தேரஸ் பூஜை துவங்க நல்ல நேரம் ஆகும்.
தீபாவளி பண்டிகையின் முதல் நாள் தந்தேரஸ் என்ற பெயரில் அழைக்கப்படுகிறது. தந்தேரஸ் திருநாள் ஒவ்வொரு ஆண்டும் ஐப்பசி மாதத்தில் வரும் கிருஷ்ணபக்ஷம் திரியோதசி திதியில் கொண்டாடப்படுவது வழக்கமாகும்.
ஆனால் இந்த ஆண்டு எந்த தேதியில் தந்தேரஸ் பூஜை செய்ய வேண்டும் என்ற குழப்பம் பலருக்கும் ஏற்பட்டுள்ளது. சிலர் அக்டோபர் 22 ஆம் தேதி இந்த சிறப்பு மிக்க பூஜையை செய்யாலாம் என்கின்றனர். இன்னும் சிலர் அக்டோபர் 23 ஆம் தேதி தான் செய்ய வேண்டும் என்கின்றனர். இதனால் பூஜையை எப்போது துவங்கி, எப்போது முடிக்க வேண்டும், பூஜை செய்ய நல்ல நேரம் எது, இந்த நாளன்று தங்கம் உள்ளிட்ட ஆபரணங்கள் வாங்க நல்ல நேரம் எது என பல்வேறு குழப்பங்களும் உருவாகி உள்ளது.
அதனால் தான் தந்தேரஸ் தினம் தங்கம் மற்றும் வெள்ளி நகைகள் வாங்க உகந்த நாளாக கருதப்படுகிறது. விநாயகர், மகாலட்சுமி உருவம் பதித்த வெள்ளி காசுகள், வெள்ளி பாத்திரங்கள், மின் சாதனங்கள், வாகனங்கள் போன்ற பொருட்களை இந்த நாளில் வாங்கலாம்.
மருத்துவத்தின் கடவுளான தன்வந்திரி பகவானுக்கும் உரிய நாளாக தந்தேரஸ் தினம் கருதப்படுகிறது. இதனால் அன்றைய தினம் சுப முகூர்த்தத்தில் தன்வந்திரி பகவானுக்கும் பூஜைகள் செய்யலாம். இதனால் நோய்கள் இல்லாத ஆரோக்கியமான வாழ்வை பெறலாம் என்பது நம்பிக்கை.
மேலும் படிக்க: தீபாவளி – தந்தேரஸ் தினம் : விளக்கு ஏற்றுவது ஏன்? அதன் சிறப்புகள் மற்றும் செல்வ பூஜை! புராணங்கள் சொல்லும் கதை
தந்தேரஸ் தினத்தில் தன்வந்திரி பூஜை செய்வதன் அடையாளமாகவே தீபாவளிக்கு முந்தைய தினம் தீபாவளி மருந்து அல்லது தீபாவளி லேகியம் தயாரிக்கும் முறை இன்றும் வழக்கத்தில் இருந்து வருகிறது.
