பிரிட்டன் தேர்தலில் வெற்றி பெற்ற இந்தியர்கள் எத்தனை பேர் தெரியுமா?
பிரிட்டனில் சமீபத்தில் நடைபெற்ற பாராளுமன்ற தேர்தலில் ஆளும் கட்சியான கன்சர்வேடிவ் கட்சியை அபார வெற்றி பெற்றது என்பதும் பிரதமர் போரிஸ் ஜான்சன் தலைமையில் புதிய அரசு விரைவில் பதவி ஏற்க உள்ளது என்பதும் தெரிந்ததே.
650 பாராளுமன்ற உறுப்பினர்களைக் கொண்ட பிரிட்டன் தேர்தலில் 364 இடங்களை கன்சர்வேடிவ் கட்சியை கைபற்றி உள்ளது என்பதும் ஆட்சி அமைக்க 326 தொகுதிகளில் வெற்றி பெற்றிருந்தாலே போதுமானது என்பதும் குறிப்பிடத்தக்கது. இதனையடுத்து புதிய ஆட்சி அமைந்த பின்னர் பிரெக்சிட் விவகாரம் முடிவுக்கு வரும் என எதிர்பார்க்கப்படுகிறது.
கன்சர்வேட்டிவ் கட்சிக்கு கடும் போட்டியாக இருந்த தொழிலாளர் கட்சி 203 இடங்களில் மட்டுமே வெற்றி பெற்றுள்ளது. இந்த நிலையில் பிரிட்டன் பாராளுமன்ற தேர்தலில் 15 இந்தியர்கள் வெற்றி பெற்றுள்ள செய்தி தற்போது வெளிவந்துள்ளது. வெற்றிபெற்ற 15 இந்தியர்கள் பெயர் பின்வருமாறு:
உள்துறை மந்திரியாக சேர்ந்த பிரீத்தி பட்டேல், கருவூல தலைமைச் செயலராக இருந்த இன்ஃபோசிஸ் நிறுவனர் நாராயணமூர்த்தியின் மருமகன் ரிஷி சுனக், சர்வதேச மேம்பாட்டுத் துறையின் அமைச்சராக இருந்த அலோக் சர்மா மற்றும் சைலேஸ்வரா, சுயெல்லா பிரேவர்மன், பிரீத்தி கவுர் கில், தன்மன்ஜித் சிங் தேசி, வீரேந்திர சர்மா, லிசா நந்தி, சீமா மல்ஹோத்ரா, வலேரி வாஸ், ககன் மொஹிந்திரா, கிளேர் கொட்டின்ஹோ ஆகியோர் கன்சர்வேட்டிவ் கட்சியில் இருந்தும், லேபர் கட்சி சார்பில் நவேந்தரு மிஸ்ரா ஆகிய இந்தியர்கள் வெற்றி பெற்றுள்ளனர்.
