தைரியமாக மாணவர்களுக்கு ஆதரவு தெரிவித்த தீபிகா படுகோன் ! எதிரொலியாக பல கோடிகள் இழப்பு !! ஏன் தெரியுமா ?
டெல்லி ஜே என் யு பல்கலைக்கழகத்தில் நடந்த மாணவர் போராட்டத்துக்கு ஆதரவு அளித்த நடிகை தீபிகா படுகோனேவின் விளம்பரங்களைப் புறக்கணிப்போம் என சமுக வலைதளங்களில் எதிர்ப்புகள் எழுந்துள்ளன.
ஜே என் யு பல்கலைக்கழகத்தில் நடைபெற்ற குடியுரிமை திருத்த சட்டத்திருத்த போராட்டத்தில் மாணவர்களை போலிஸாரும் மர்மக் கும்பல்களும் தாக்கினர். இதனால் மாணவர்களின் போராட்டத்துக்கு நாடு தழுவிய ஆதரவு கிடைத்தது. இதனால் மாணவர்களின் போராட்டத்துக்கு போராட்டத்துக்கு பாலிவுட் பிரபலங்கள் நேரில் சென்று ஆதரவு தெரிவித்தனர். அதில் கலந்து கொண்டவர்களில் இந்தி நடிகை தீபிகா படுகோனேவும் ஒருவர். மாணவர்களை சென்று சந்தித்த அவர் போராட்டத்துக்கு ஆதரவு அளித்தார்.
அன்று முதல் அவர் மேல் பாஜக ஆதரவாளர்கள் வன்மத்தை வெளிப்படுத்தி வருகின்றனர். இதன் ஒரு பகுதியாக அவர் நடித்து வெளியான சப்பாக் எனும் திரைப்படத்தைப் புறக்கணிக்க வேண்டும் என சமூக வலைதளங்களில் குரல்கள் எழுந்தது. அதற்காக தனியாக ஹேஷ்டேக்குகள் உருவாகி ட்ரண்ட் ஆகின. இதனால் பாஜக ஆதரவு மாநிலங்களில் கடந்த வாரம் வெளியான சப்பாக் படம் குறைவான வசூலையே பெற்றது. அத்துடன் இல்லாமல் இப்போது தீபிகா படுகோனே நடித்துள்ள விளம்பரங்களை புறக்கணிக்க வேண்டுமென அடுத்ததாக குரல்கள் எழுந்துள்ளன.
இதனால் பயந்த தீபிகாவின் விளம்பர நிறுவனங்கள் சில நாட்களுக்கு அவரது விளம்பரங்களை ஒளிபரப்ப வேண்டாம் என தொலைக்காட்சிகளுக்கு அறிவுறுத்தி உள்ளதாக சொல்லப்படுகிறது. கிட்டத்தட்ட 20 நிறுவனங்களுக்கு அம்பாசிடராக இருக்கும் தீபிகா படுகோன் இதனால் பலகோடி ரூபாய் வருவாயை இழக்க நேரிடலாம் என சொல்லப்படுகிறது. ஒரு காலத்தில் அவர் நடித்த விளம்பரங்கள் அனைத்துத் தொலைக்காட்சிகளிலும் சேர்த்து 11 மணிநேரம் ஒளிப்பரப்பாகி சாதனை புரிந்தது குறிப்பிடத்தக்கது.
