சென்னை :
முதுகலை ஆசிரியர் மற்றும் உடற்கல்வி இயக்குனர் பணியிடங்களுக்கு, ‘ஆன்லைன்’ வழியே விண்ணப்பிப்பதற்கான கடைசி தேதி, 31-ம் வரை நீட்டிக்கப்பட்டுள்ளது.
ஆசிரியர் தேர்வு வாரியம் சார்பில், 2020 -2021ம் கல்வி ஆண்டிற்கான, முதுகலை ஆசிரியர், உடற்கல்வி இயக்குனர் மற்றும் கணினி பயிற்றுனர் நிலை ஒன்றில் காலியாக உள்ள பணியிடங்களுக்கு, போட்டி தேர்வு நடைபெறவுள்ளது.
மேலும் தேர்வு வழியே நேரடி நியமனம் செய்ய செப்டம்பர் 9-ல் அறிவிப்பு வெளியானது. இதற்கான விண்ணப்பங்கள் செப்டம்பர் 18 முதல் பெறப்பட்டு வருகின்றன என்பது குறிப்பிடத்தக்கது .இந்நிலையில் தமிழ் வழி பயின்றோருக்கான சான்றிதழ் சார்ந்து, மென்பொருளில் மாற்றம் செய்ய வேண்டியுள்ளது.
இதன் காரணமாகவும், பல்வேறு விண்ணப்பதாரர்களின் வேண்டுகோளை ஏற்றும், ஆன்லைன் வழியே விண்ணப்பங்கள் பெறுவதற்கான கடைசி தேதி, 17-ம் தேதியில் இருந்து 31-ம் தேதி மாலை 5:00 மணி வரை நீட்டிக்கப்பட்டுள்ளது. இதற்கான அறிவிப்பை, ஆசிரியர் தேர்வு வாரியம் அதிகாரபூர்வமாக வெளியிட்டுள்ளது.
