கோரானா தடுப்பூசி தகவல்கள் – ஹேக்கர்களை கொண்டு திருட முயலும் சீனா?
கடந்த டிசம்பர் மாதம் சீனாவில் பரவ துவங்கிய கொரோனா தொற்றினால், உலகம் பேரிடரை சந்தித்து வருகிறது.
குறிப்பாக அமெரிக்கா கொரோனா பாதிப்பில் முதலிடத்திலுள்ள நிலையில் கொரோனா வைரசை ‘சைனீஸ் வைரஸ்’ என்றே அமெரிக்கர்கள் குறிப்பிடுகின்றனர்.
கொரோனாவிற்க்காக தடுப்பூசியை கண்டுபிடிக்க உலகெங்கும் உள்ள நிபுணர்கள் முயன்று வருகின்றனர். இந்நிலையில் அமெரிக்க விஞ்ஞானிகளின், கொரோனா தடுப்பூசி கண்டுபிடிப்பு தொடர்பான தகவல்கள் சேகரித்து வைத்துள்ள சர்வர்களை (Servers) சீனா மாணவர்களை வைத்து ஹேக் செய்ய முயற்சி செய்வதாக அமெரிக்கா குற்றம்சாட்டியுள்ளது.
இதுவரையிலும், ஹேக்கர்களின் முயற்சி வெற்றி பெறவில்லை என்றும் இது தொடர்பாக, சீனாவுக்கு எச்சரிக்கை விடுக்க, அமெரிக்க அரசு முடிவு செய்துள்ளதாக வெள்ளை மாளிகை வட்டாரம் தெரிவித்துள்ளது.
அமெரிக்காவின் இந்த குற்றச்சாட்டை மறுத்துள்ள சீன வெளியுறவுத் துறை செய்தி தொடர்பாளர் ஜாவோ லிஜியன் அமெரிக்கா தொடர்ந்து இது போன்ற ஆதாரமில்லாமல் முன் வைக்கும் குற்றச்சாட்டை நிறுத்தி கொள்ள வேண்டும் என தெரிவித்துள்ளார்.
