சிம்புவை இயக்குகிறாரா சேரன்: சக்கரைப் பொங்கல்& வடகறி காம்பினேஷன் !
சிம்பு நடிகும் அடுத்த படத்தை இயக்குனர் சேரன் இயக்க இருப்பதாக ஒரு செய்தி வெளியாகியுள்ளது.
சிம்பு நடிப்பில் ‘மாநாடு’ என்ற படத்தை தயாரிக்க திட்டமிட்ட தயாரிப்பாளர் சுரேஷ் காமாட்ச. சிறுபட தயாரிப்பாளராக இருந்த அவருக்குப் பலரும் சிம்பு படம் வேண்டாம் என எச்சரிக்கை விடுத்தனர். ஆனாலும் துணிந்து இறங்கினார் சுரேஷ் காமாட்சி. ஆரம்பகட்ட பணிகளுக்காகவே ஒருசில கோடிகளை செலவு செய்தார். ஆனாலும் சிம்புவால் காலதாமதம் ஏற்பட்டு படத்தை டிராப் செய்வதாக அறிவித்தார். அதன் பின் சிம்பு மீண்டும் அந்த படத்தில் நடிப்பதற்கு சம்மதம் தெரிவிக்க ஒருவழியாக படம் கடந்த இரு தினங்களுக்கு முன்னர் தொடங்கப்பட்டு தற்போது படப்பிடிப்பு நடந்து வருகிறது.
இந்நிலையில் மாநாடு படத்தை முடித்ததும் சிம்பு தனது அடுத்த படத்தை இயக்க முன்னணி இயக்குனர் ஒருவரை தேர்ந்தெடுத்துள்ளதாக சொல்லப்படுகிறது. அவர் வேறு யாருமில்லை பிக்பாஸ் மூலம் மீண்டும் பிரபலமான இயக்குனர் சேரன் தான். அவர் சொன்ன கதை சிம்புவுக்கு மிகவும் பிடித்ததால் அவருக்கே அடுத்த படத்தின் கால்ஷீட்டை அவர் கொடுத்துள்ளாராம்.
ஒரு காலத்தில் பொற்காலம், பாரதி கண்ணம்மா, ஆட்டோ கிராப் போன்ற நல்ல கதையம்சம் உள்ள படங்களை எடுத்து வெற்றிகரமாக வலம் வந்த சேரன் அதன் பின் கொடுத்த தோல்வி படங்களால் வாய்ப்புகள் ஏதும் இல்லாமல் பிக்பாஸ் வீட்டுக்கு சென்றார். வெளியே வந்த அவர் விஜய் சேதுபதியை வைத்து ஒரு படம் இயக்கப்போவதாக அறிவித்தார். இதற்கிடையில் இப்போது சிம்புவை வைத்து அவர் இயக்கப்போவதாக செய்திகள் வெளியாகியுள்ளன.
இருவருமே வேறு வேறு ஜானரில் படம் பண்ணக் கூடியவர்கள். இரண்டு பேரும் சேர்ந்தால் அந்த படம் எப்படி இருக்குமென ரசிகர்கள் இப்போதே யோசிக்க ஆரம்பித்து விட்டனர்.
