பிக் பாஸ் போட்டியாளர்கள் பட்டியலில் ஜூலியின் பெயரை பார்த்த பலர் இவருக்காக மட்டும் தான் இந்த நிகழ்ச்சியை பார்க்கிறோம் என்றார்கள். ஆனால் பிக் பாஸ் வீட்டில் இருந்தபோது ஜூலி நடந்து கொண்டது பலருக்கும் பிடிக்காமல் போக அவரை ஆண்டுக் கணக்கில் திட்டித் தீர்த்துக் கொண்டிருக்கிறார்கள்.
விரைவில் பிக் பாஸ் 4 நிகழ்ச்சி துவங்கப் போகிறது. அப்படி இருக்கும்போது பிக் பாஸ் நிகழ்ச்சியின் முதல் சீசனில் சொன்ன பொய்க்காக ஜூலியை இன்னும் நெட்டிசன்கள் திட்டுகிறார்கள்.
ஜூலி ட்விட்டரில் என்ன சொன்னாலும் சரி, புகைப்படம் அல்லது வீடியோ வெளியிட்டாலும் சரி அவரை திட்டுபவர்களே அதிகம். சில நேரம் ஆத்திரம் தாங்காமல் ஜூலி பதிலடி கொடுக்கவும் செய்கிறார்.
அண்மையில் கூட ஒருவர் ஜூலியை சாகச் சொல்ல நான் ஏன் சாகணும் என்று கேட்டார்.
ட்விட்டர் பக்கம் வந்தாலே திட்டுறாங்களே என்று நினைத்தாரோ என்னவோ, ஜூலி தற்போது இன்ஸ்டாகிராமில் தான் அதிக கவனம் செலுத்துகிறார். ஆச்சரியம் என்னவென்றால் இன்ஸ்டாகிராமில் ஜூலியை புகழ்ந்து பேசுபவர்கள் தான் அதிகம் உள்ளனர்.
ஜூலி கடந்த ஒரு வாரமாக இன்ஸ்டாகிராம் பக்கம் வரவில்லை. இதை பார்த்த ரசிகர்களோ என்ன ஜூலிக்கா ரொம்ப பிசியா, இன்ஸ்டா பக்கம் ஆளையே காணோம், நாங்கள் எல்லாம் உங்களுக்காகவே காத்திருக்கிறோம் என்று தெரிவித்துள்ளனர்.
ஜூலி கடைசியாக வெளியிட்ட புகைப்படத்தை பார்த்த ரசிகர்கள், இஞ்சி இடுப்பழகி ஜூலி. இந்த உடை மற்றும் நகையில் மிகவும் அழகாக இருக்கிறீர்கள். பொறுத்தது போதும் கிரஷ் பட்டியலில் சேர்த்துவிட வேண்டியது தான். தேவதைகள் இன்னும் இருக்கத் தான் செய்கிறார்கள். நாளுக்கு நாள் ஜூலியின் அழகு கூடிக் கொண்டே போகிறது. ஜூலிமா என்னமா சாப்பிடுற? என்று தெரிவித்துள்ளனர்.
இதுவே ஜூலி ட்விட்டரில் புகைப்படம் வெளியிட்டால், சும்மா சும்மா இந்த மூஞ்சியை காட்டி கடுப்பேத்தாத. எத்தன வாட்டி சொன்னாலும் மீண்டும் மீண்டும் புகைப்படத்தை வெளியிட்டு ஏன் எங்களை டார்ச்சர் பண்றீங்க?. இப்போ நீங்கள் எல்லாம் போட்டோஷூட் நடத்தவில்லை என்று யார் அழுதா என கேட்பார்கள். ஆனால் இன்ஸ்டாகிராமில் ஜூலியை புகழ்ந்து பேசுகிறார்கள்.
அதனால் ஜூலி இன்ஸ்டாகிராமில் கவனம் செலுத்துவதில் தவறே இல்லை என்கிறார்கள் ரசிகர்கள்.
ஜூலி பிக் பாஸ் நிகழ்ச்சிக்கு பிறகு நர்ஸ் பணியை விட்டுவிட்டார். சின்னத்திரையில் நிகழ்ச்சி தொகுப்பாளினியான ஜூலி பின்னர் கோலிவுட்டில் நடிகையானார். ஜூலி அந்த படத்தில் நடிக்கிறார், இந்த படத்தில் நடிக்கிறார் என்று தொடர்ந்து அறிவிப்புகள் வந்தன. ஆனால் படம் மட்டும் வரவில்லை. அது ஏன் என்று பலரும் கேட்டுக் கொண்டிருக்கிறார்கள்
