இசையமைப்பாளரை மாற்றும் சிறுத்தை சிவா… சுர்யா படத்துக்கு இவர்தான்!

0
101

இசையமைப்பாளரை மாற்றும் சிறுத்தை சிவா… சுர்யா படத்துக்கு இவர்தான்!

சூர்யா சிறுத்தை சிவா கூட்டணியில் உருவாகும் படத்துக்கு இசையமைப்பாளர் யார் என்பது பற்றிய தகவல் வெளியாகியுள்ளது.

தொடர்ந்து நான்கு படங்களை சிறுத்தை சிவா அஜித் நடிப்பில் இயக்கினார். அந்த படங்களின் வெற்றியால் ரஜினிகாந்த் சிவாவை தன்னுடைய அண்ணாத்த படத்துக்கு இயக்குனர் ஆக்கினார். சிறுத்தை சிவா இயக்கத்தில் கடந்த ஆண்டு தீபாவளிக்கு வெளியான அண்ணாத்த திரைப்படம் எதிர்பார்த்த வெற்றியைப் பெறவில்லை.

இதையடுத்து சிவா, பல ஆண்டுகளுக்கு முன்பே சூர்யாவை இயக்க ஸ்டுடியோ கிரீன் நிறுவனத்துக்காக ஒப்பந்தம் ஆன படத்தைத் தொடங்க உள்ளார். சில மாதங்களாக இந்த படத்தின் திரைக்கதைப் பணிகள் நடைபெற்று வந்த நிலையில் இந்த மாதம் படப்பிடிப்பு தொடங்க உள்ளது.

இந்நிலையில் இந்த படத்தைப் பற்றிய லேட்டஸ்ட் தகவல் ஒன்று தற்போது வெளியாகியுள்ளது. தன்னுடைய இரண்டு கடைசி படங்களான விஸ்வாசம் மற்றும் அண்ணாத்த ஆகிய படங்களுக்கு இமானோடு பணியாற்றி வந்தார் சிவா. ஆனால் சூர்யா படத்துக்கு அவர் இசையமைப்பாளராக அனிருத்தை ஒப்பந்தம் செய்துள்ளதாக சொல்லப்படுகிறது.

ஏற்கனவே அனிருத்தோடு விவேகம் மற்றும் வேதாளம் ஆகிய படங்களில் பணியாற்றினார் என்பது குறிப்பிடத்தக்கது. மேலும் படத்தில் கதாநாயகியாக பூஜா ஹெக்டே நடிக்க வாய்ப்புள்ளதாகவும் சொல்லப்படுகிறது.

இந்த படத்தின் பூஜை சென்னையில் இந்த படத்தின் பூஜை வரும் ஆகஸ்ட் 21 ஆம் தேதி நடக்க உள்ளதாக தகவல் வெளியாகியுள்ளது. வரலாற்றுக் கதைக்களம் கொண்ட இந்த படம் பிரம்மாண்டமாக படமாக்கப்பட உள்ளது.