பாலியல் தொல்லை கொடுத்த காமெடி நடிகர் – உண்மையைப் போட்டுடைத்த நடிகை
பாக்யராஜின் ‘வீட்ல விசேஷங்க’ படத்தில் கதாநாயகியாக அறிமுகமாகி விஜயகாந்த்துடன் பெரிய மருது, பாண்டியராஜனின் சும்மா இருங்க மச்சான் உள்பட பல படங்களில் நடித்து முன்னணி நடிகையாக வலம் வந்தவர் நடிகை பிரகதி.
தமிழில் தாரை தப்பட்டை, இனிமே இப்படித்தான், கெத்து ஆகிய படங்களில் குணச்சித்திர வேடங்களில் நடித்துள்ளவர் தெலுங்கு திரையுலகில் நிறையப் படங்களில் நடித்து வருகிறார். இந்நிலையில் தெலுங்கு இணையத்தளத்திற்குப் பேட்டியளித்துள்ள பிரகதி, திரையுலகில் தனக்கு நேர்ந்த மோசமான சம்பவங்கள் பற்றிக் கூறுகையில் தெலுங்கு முன்னணி காமெடி நடிகர் தனக்கு பாலியல் துன்புறுத்தல் அளித்ததாகக் கூறியுள்ளார்.
அதில் “மூத்த காமெடி நடிகர் என்னிடம் பாலியல் ரீதியாகத் தகாத முறையில் நடந்த சம்பவத்தை எதிர்கொண்டேன். அந்த நடிகர் நன்றாகவே பழகினார். ஒரு படப்பிடிப்பில் இருவரும் சேர்ந்து நடித்துக்கொண்டு இருந்தபோது அவரது பேச்சும் செயலும் தவறான முறையிலிருந்தன. பாலியல் ரீதியாக மோசமாக அவர் நடந்து கொள்வதை உணர்ந்தேன். ஒரு அளவுக்கு மேல் அவர் தொந்தரவைத் தாங்க முடியவில்லை. இதனால் அவரை எனது கேரவேனுக்குள் அழைத்து உங்கள் நடவடிக்கை கேவலமாக இருந்தது. தவறான முறையில் என்னை அணுகும்படி சிக்னல் கொடுத்தேனா அல்லது எனது உடல்மொழி உங்களை அழைப்பதுபோல் இருந்ததா? படப்பிடிப்பிலேயே உங்களைத் திட்டி இருப்பேன். உங்களுக்கு இருக்கும் மரியாதையைக் கருத்தில் கொண்டு தனியாக அழைத்துச் சொல்கிறேன் என்றேன். அதன்பிறகு அவர் என்னிடம் மோசமாக நடக்கவில்லை”. எனத் தெரிவித்துள்ளார்.
இது தெலுங்கு திரையுலகினர் மத்தியில் பரபரப்பை ஏற்படுத்தியுள்ளது.
