அசுரன் வெற்றி விழாவில் விஜய் படத்தைக் கலாய்த்த நடிகர் – பதறிய தனுஷ் !

0
63

அசுரன் வெற்றி விழாவில் விஜய் படத்தைக் கலாய்த்த நடிகர் – பதறிய தனுஷ் !

நடிகர் தனுஷ் நடிப்பில் வெளியான அசுரன் படத்தின் 100 ஆவது விழா இன்று சென்னையில் நடைபெற்றது.

கடந்த ஆண்டு வெளியான படங்களில் விமர்சன ரீதியாகவும் வசூல் ரீதியாகவும் வரவேற்பைப் பெற்ற படங்களுள் அசுரனும் ஒன்று. கிட்டதட்ட 100 கோடி ரூபாய் வசூல் செய்ததாக சொல்லப்படும் இந்த படம் வெளியான போது தனுஷ் லண்டனில் கார்த்திக் சுப்பராஜ் இயக்கும் படத்தின் படப்பிடிப்பில் இருந்தார். அதனால் படத்தின் விளம்பரங்களில் கலந்துகொள்ள முடியாமல் போனது.

இதையடுத்து இப்போது சென்னையில் 100 ஆவது விழா நடைபெற்றது. இதில் தனுஷ், வெற்றிமாறன், தாணு மற்றும் பவன் உள்ளிட்ட நடிகர் நடிகைகள் கலந்துகொண்டனர். விழாவில் பேசிய அனைவரும் படத்தின் அருமை பெருமைகளைப் பேச நடிகர் பவன் மற்றும் ஆர்வ மிகுதியில் விஜய்யின் குருவி படத்தைக் கலாய்த்து விட்டார்.

பவன் பேச்சில் ‘ நான் இதற்கு முன்னதாக விஜய் நடித்த குருவி திரைப்படத்தின் 150 ஆவது நாள் விழாவில் கலந்துகொண்டேன். ஆனால் அந்த படத்தின் வெற்றியின் உண்மைத்தன்மை எனக்குத் தெரியாது. ஆனால் அசுரன் உண்மையான வெற்றியைப் பெற்றுள்ளது. விழா நடத்துவது எனக்கு மகிழ்ச்சியாக உள்ளது.’ எனத் தெரிவித்தார். இதனால் விழா மேடையில் அசௌகர்யமான சூழ்நிலை உருவானது.

இதையடுத்து பேசிய தனுஷ் ’இந்த விழாவில் நாம் பேசுவதில் எது நல்லதோ அதை எடுத்துக் கொள்ளுங்கள். சரியில்லாததை விட்டு விடுங்கள்’ எனப் பேசி நிலைமையை சமாளித்தார்.

குருவி திரைப்படம் விஜய் நடிப்பில் உதயநிதி ஸ்டாலின் தயாரிப்பாளராக அறிமுகமான படம். அந்த தோல்வி அடைந்தாலும் அப்போது 150 நாட்கள் ஓடியதாக கலைஞர் தலைமையில் விழா எடுக்கப்பட்டது குறிப்பிடத்தக்கது.

author avatar
Parthipan K