எட்டு வருடங்களுக்குப் பிறகு திரைப்படம் இயக்கும் பிரபல இயக்குனர்! ஆர்யாவுக்கு அடித்த அதிர்ஷ்டம்!
தமிழ் சினிமாவில் இயக்குனராக அறியப்படுபவர் கரு.பழனியப்பன்.இவர் ஆரம்பக்காலத்தில் உதவி இயக்குனராக பணிபுரிந்தார்.1994ம் தமிழ்த் திரைப்படத்துறையில் பணியாற்றி வருகிறார்.இவர் இயக்குனர் பார்த்திபனுடன் அவர் புள்ளக்குட்டிக்காரன் மற்றும் ஹவுஸ்புல் ஆகிய படங்களில் பணியாற்றினார்.இயக்குனர் எழிலிடம் இவர் துள்ளாத மனமும் துள்ளும்,பண்ணின் மனதைத் தொட்டு,பூவெல்லாம் உன் வாசம் ஆகிய படங்களில் பணியாற்றினார்.
மேலும் இரண்டு இயக்குனர்களிடமும் இவர் பணியாற்றினார்.இதனையடுத்து 2003ம் ஆண்டு பார்த்திபன் கனவு என்ற திரைப்படத்தின் மூலமாக இயக்குனராக அறிமுகம் ஆனார்.இந்த திரைப்படம் ரசிகர்களிடையே நல்ல வரவேற்பைப் பெற்றது.மேலும் முதல் படத்திலேயே இவர் தமிழ்நாடு அரசின் சிறந்த இயக்குனருக்கான விருதைப் பெற்றார்.அதன்பின்னர் இவர் ஆம்,பிரிவோம் சிந்திப்போம்,மந்திரப்புன்னகை,சதுரங்கம்,ஜன்னல் ஓரம் ஆகிய படங்களை இயக்கியிருப்பார்.
இந்தப் படங்கள் அனைத்தும் அவ்வளவாக வெற்றி பெறவில்லை.எனினும் சில ரசிகர்களுக்கு இந்த படங்கள் பிடித்து இருந்தன.மந்திரப்புன்னகை திரைப்படத்தில் கதாநாயகனாகவும் இவர் நடித்திருப்பார்.சதுரங்கம் திரைப்படத்திற்கு சிறந்த கதாசிரியருக்கான தமிழ்நாடு அரசு விருது இவருக்குக் கிடைத்தது.ஜன்னல் ஓரம் திரைப்படத்திற்கு பிறகு இவர் எந்த படத்தையும் இயக்கவில்லை.
இதனிடையே அவர் நட்பே துணை திரைப்படத்தில் வில்லனாக நடித்திருந்தார்.இந்த படத்தில் இவரின் கதாபாத்திரம் நன்றாகவே அமைந்திருந்தது.திரைப்படமும் பெருமளவில் வெற்றி பெற்றது.தற்போது இவர் மீண்டும் திரைப்படம் இயக்கும் திட்டத்தில் இருக்கிறார்.கிட்டத்தட்ட எட்டு வருடங்களுக்குப் பிறகு இவர் தமிழ் சினிமாவில் படம் இயக்கப் போகிறார்.முதலில் இவர் நடிகர் மாதவனிடம் கதை கூறியதாகவும் அவர் இவரின் இயக்கத்தில் நடிக்கவிருப்பதாகவும் தகவல்கள் வந்தன.
ஆனால் இப்போது நடிகர் ஆர்யாவை வைத்து திரைப்படம் இயக்கப் போவதாக இயக்குனர் கரு.பழனியப்பன் தெரிவித்துள்ளார்.முதல்முறையாக இவர்கள் இருவரும் இணையப்போவதால் படத்திற்கான எதிர்பார்ப்பு அதிகமாகியுள்ளன.
